كيف تعرف انك مراهق؟للولاد بس والبنات برده
/ فجاة بقيت رومانسى فى نفسك بشكل مبالغ فيه لدرجه ان اى واحده تشوفها تحبها على طول ..
2/ بقيت شخص ملول يسيطر عليه الزهق سيطره التمساح على غزاله صغيره من رقبتها لدرجه ان اى واحده بتحبها بتزهق منها بسرعه ..
3/ فجاة تلاقى مناخيرك هى اكبر حاجه بتكبر فى وشك لدرجه انك تخاف تبقى مجرد مناخير ..
4/ بقيت تقف فى المرايا كتير و تمتعض عندما تنظر لوجهك و لاتفهم سر هذه الحبوب المنتشره فيه كانتشار اعلانات ساقيه الصاوى فى شوارع القاهره ..
5/ صوتك يخشن و تشعر ان احبالك الصوتيه تكسوها طبقه عباره عن خليط من التراب و حبات المطر وتلاحظ انك بدات تتحول لغوريلا مه هذه الكميه المبالغ فيها من الشعر اللى تظهر فى ايدك و رجلك و وشك و تزداد كثافه حواجبك للدرجه اللى تجعلك ترقصهم فى المرايه كتير ( يا عبيط )
6/ فجاة بقت مقاساتك بتتغير بسرعه للدرجه التى يطلق معها من حولك عليك لقب الشحط لكن الامر يختلف بالنسبه للبنت التى يبدا المحيطون بها فى منحها لقب مدموزيل
7/ اقاربك البنات بقوا لو دخلت عليهم فجاة و هما قاعدين على راحتهم يتخضوا و بتعدلوا فى قعدتهم ( ابقى خبط قبل ما تدخل يا شحط )
8/اصبحت فجاة تؤمن بعدة شعارات اهمها انا حر على اساس انه مفيش حد فاهمنى و محدش ليه دعوة بيه عشان محدش فاهمنى اصلا ..
9/ بتحاول بقدر الامكان تاخد العربيه من ورا اهلك و بتبقى حريص وانت سايق ان الناس كلها تشوفك و انت بتسوق علشان كده بتبص كتير و انت سايق و عشان كده العربيه بتتخبط منك كتير و عشان كده بابا مش بيرضى يديلك العربيه و عشان كده انت بتاخدها من وراه ..
10/ بتغير رنه الموبايل بتاعتك كل يوم ..
11/ اهلك بيعترضوا دايما على نوعيه الاصدقاء اللى فى حياتك لانك بتتشد بسرعه للعيال الفاقده و بتعمل لهم add بدون تفكير و بتفخر بصداقه اللى اكبر منك و تكون حريص على صداقه واحد من الجامعه و يا سلام لو كان بيسقط فيها و بيدخن و بتاع بنات ..
12/ تبدا التفكير فى موضوع التدخين على سبيل التجربه و هى تجربه one way مافيهاش رجعه ..
13/ الاندر وير بتاعك باين من بنطلونك اللى ساقط معظم الوقت ( cool ya man ) ..
14/ عندك درج زى بتاع اختك فيه اكسسواراتك اللى بتخرك بيها سلسله فى نهايتها جمجمه معدنيه او اول حرف فى اسمك و احيانا اسمك كله , سلسله المارينز التى تنتهى بقطعه معدنيه بيضاويه الكشل , حظاظه من الكتان او حظاظه عباره عن مجموعه متشابكه من الخيوط الملونه , الكاب صيفا والايس كاب شتاء , ميداليه المفاتيح الميتال او الجلد او الميداليه القماشيه الطويله , ساعه يد الضخمه , سماعة البلوتوث , علبه السجاير المعدنيه و الولاعه السخن ..
15/ بتحاول تدور على ستايل جديد لنفسك كل شويه ولان قدرتك على الابتكار لسه محدوده بتقلد تقليد اهبل تختار طريقه مشى عجبتك فى فيلم او كليب و تقرر انها تكون طريقتك انت الشخصيه فى المشى و اكلام بنطبق على طريقه كلام او طريقه رقص او طريقه تثبيت ..
16/ تتابع بقوة اخبار الفنانين و تعرف عنهم ما لا يعرفوه عن انفسهم و مثلما تتابع اخبارهم تتابع اعمالهم و ماتعديش فيلم نزل السوق من غير ما تشوفه ولا البوم من غير ماتداونلوده ..
17/ تصدق الشائعات و بتنقلها اسرع من البلوتووث بدون تفكير ..
18/ بقيت بتكره اسم الدلع بتاعك و بتتكسف منه و تعتبره اهانه احيانا ..
19/ تبتدى تعتبر اى واحد بينقدك او بيعدل عليك او بيوجهلك نصيحه انه بيشتمك (المشكله انك هتلاقى فى السن ده كل اللى حواليك بيعدلوا عليك و كانك الحيطه المايله فى المجتمع) ...
20/ تتحول لمدمن نت لدرجه انك لما تقفل الكمبيوتر بتحس براغ عاطفى و لو قلقت باليل و قمت تشرب و انت راجع لازم تشيك على الميل و لو حد قال لك نكته تقول له lool و اى واحده تشوفها و تعجبك تبقى عايز تحرقها على سى دى و تروح بيها ..... ( ممكن تاخدها على فلاشه ) ...
21/ بتغير الباس ورد بتاعه الكمبيوتر بتاعك كل يومين ( انت فاهم ليه طبعا ) ...
22/ عندك دايما فيل هيدن على الكمبيوتر موجوده منه نسخه على الفلاشه ...
23/ نفسك يبقى عندك لاب توب عشان بس تروح تقعد بيه فى الكافيهات ...
24/ دايما بتتصور مع اصحابك مش صور للذكرى و لكن صور للفيس بوك ...
25/ ممكن تطنش واحد شتمك بالام بس ممكن تقرقش اى حد يجيب سيره اختك ..
26/ اصبح فى حياتك اشياء كثيره لا يعرفها الاب و الام ( وانت فاهمنى طبعا ) ..
27/ يسيطر عليك احيانا شعور بان اهلك مش عاجبيناك ...
28/ تهاجم اى حد يلعب فى حاجتك و انى مش موجود (عشان كده انت عامل باسوورد)و تبتدى تحلم بالعيشه لوحدك ..
29/ تفكر ان ايه اللى هيحصل لو هربت من البيت ...
30/ تبتدى تتدرب على الفكره السابقه بان تسيب البيت بعد كل خناقه ...
31/ تبطل تسال ماما السؤال الطفولى المعهود (ماما انا جيت ازاى ؟ ) و تبدا فى رفض الاجابه عن سؤال انت رايح فين ؟
32/ تشعر دايما ان الفضول هيموتك عايز تعرف كل حاجه (عايز تعرف كل حاجه تافهه زى روبى مصاحبه مين ؟؟ و انت مالك انت هى مصاحبه مين )
33/ علاقتك بالدين تتذبذب ما بين طناش مبالغ فيه او اهتمام مبالغ فيه تصلى ايام الامتحانات ( على فكره مش عيب انك تصلى لربنا لما تكون محتاج له العيب انك ماتبقاش عارف ان البنى ادم محتاج لربنا طوال الوقت ) ..
36/ تبقى سطحى و تتعامل مع الحياة بطريقه واحد لا يقرا فى الجرديه غير المانشيتات و تصبح الشخص الذى يعرف ان احمد زويل حصل على جائزة نوبل لكنك لا تعلم حصل عليها فى ايه؟؟؟؟؟؟؟؟؟؟
37/ تسمع كثيرا تعليق واحد من المحيطين بك تعليقا على بعض تصرفاتك ( بطل بقى شغل مراهقين )
أتمنى الموضوع يعجبكم...
الرئيسية
